उधौली पर्वः योमरी पुन्हि (ज्यापु दिवस) धान्य पूर्णिमामा प्रधानमन्त्रीकाे शुभकामना

काठमाडौं । प्रधानमन्त्री केपी शर्मा ओलीले धान्य पूर्णिमा, उधौली, यमरीपुन्ही र ज्यापु दिवसका अवसरमा  शुभकामना व्यक्त गरेका छन् ।

आज बिहान सामाजिक सञ्जालमा प्रधानमन्त्री ओलीले कृषिमा आश्रित जनजीवनमा यो दिनको ठूलो महत्त्व रहेको बताएका छन् ।

‘आज धान्य पूर्णिमाको दिन । पुरानो कृषि युगमा यस दिनको ठूलो महत्त्व छ’, उनले लेखेका छन्, ‘असारमा रोपेको धान मङ्सिरमा भित्र्याएर प्रमुख खाद्यान्न धानप्रति कृतज्ञ हुने पर्व भएकाले आजको दिनलाई धान्य पूर्णिमा भनिएको हो ।’